ගලාගේ අඩවිය

පහන් සිළුව දැවුනේ - ලොව එළිය කරන්නයි

2010-11-25T15:30:00.004+05:30

ගොඩ කාලෙකින් ලිපියක් ලියන්නේ.ජිවිතේ ගලාගෙන යන විදියේ පොඩි වෙනසක් වුනා.ඒ වෙනසත් එක්ක කාලය යනවා තේරෙන්නේ නැහැ.ළඟදි දැක්ක ගීතයක් නිසා ලිපියක් ලියන්න හිතුනා.යුද්ධය ගැන,විරෝධාර සෙබලුන් ගැන,සාමය ගැන ගීත කොපමණ ඇසුවත් මෙවැනි ගීතයක් මින් පෙර මා අසානැත.එය තව තවත් හිතට සමීපවුනේ මෙයට පසුබිම් වූ කතාව දැනගත් පසුය.ඔබගේ දැන්ගැනීම පිණිස මා එය මෙසේ සඳහන් කරන්නම්.මේ මාගේ වචන නොව කවුරුන්විසින් හෝ මුණුපොතේ කතාව සඳහන් කර තිබු දෙයක්ය.මෙය ලියු පුද්ගලයා ගැන මා නොදන්නා අතර කවුරුන් හෝ දන්නවනම් මෙහි සඳහන් කරන්න.

එක් සත්‍ය සිදුවීමක්

ලුතිනන් කර්නල් (එවකට මේජර්)නිලන්ත ජයවීර සිටියේ සටන් භූමියේ අණ දෙමින්ය.වීරෝදාර හමුදාව, අසරණ දෙමළ ජනතාව ගලවා ගැනීමේ ඒකායන අරමුණින් ගිනිඅවිය පසෙක තබා අසරණයන් කෙරේ සැබෑ මිනිස්කම පතුරවමින් අසරණයන්ට සැගවී එන වෙඩි උණ්ඩයට පවා මුහුණ දෙමින් සිටියෝ ය.ඒ අතර කර්නල් නිලන්ත විසින් ත්‍රස්තයන් විසින් ගිනිබත් කල කූඩාරමක බරපතල තත්වයේ හුන් කුඩා බිළිදෙකු බේරා ගැනීමට තම දිවි නොතකා සතුරන් අතරට දිව ගියේය.එය ජනතාව අතර සැගව සිටි ත්රස්තයන් පවා බලාපොරොත්තු නොවූ දෙයක් විය.

ක්ෂනිකව දරැවා බේරා ගත් කර්නල් නිලන්ත දරැවා පසුපසට ගෙන ආවෙ ඉක්මන් ප්‍රතිකාරයක් බලාපොරොත්තුවෙනි.නමුත් කුඩා බිළිදා ඒ වන විටත් දැඩි අසාධ්‍ය තත්වයේ විය.නමුත් නිලන්තගේ දරැ සෙනෙහසට කල නොහැක්කක් නොමැති විය.මාස ගණනකින් නොදුටු තම දරැවාට දක්වන්නා වූ ආදරය හා සමාන ආදරයක් සෙසු රණවිරැවන්ට මෙන්ම නිලන්තටද විය.දරැවාගෙ වගකීම තමන්ම බාර ගත් නිලන්ත තුවාල ලැබූ සෙබලුන් ගෙන යාමට ආ හෙලිකොප්ටරයක උදව්වෙන් නන්නාදුනන බිලිදාව රෝහල් ගත කර අවසාන මොහොතේ බේරා ගත්තේය.ඔහු නැවතත් එවේලේම යුද බිමට වාර්තා කලේ තවත් දහසක් ගලවා ගැනීමේ බලාපොරොත්තුවෙනි.

ඒ සටනේ අවසන් දින කිහිපය විය.රණවිරැවන් දිවා රෑ නොබලා අසරණයන් ගලවා ගනිමින් සිටියෝය.

ලුතිනන් කර්නල් නිලන්තට තම නිවසින් පැමිනියේ සතුටුදායක ආරංචියක් නොවේ.තම ආදරනීය පුතුට ඩෙංගු රෝගය වැලදී රෝහල් ගත කර ඇත.වය්ද්යවරැ දරැවගේ පියාගේ පැමිනීම බලාපොරොත්තු විය.ඒ දරුවා සතුටුදායක තත්වයක නොසිටි බැවිනි.නමුත් ක්රියාන්විත තත්ව යටතේ නිලන්තගේ අණ සටනට අවශ්යම විය.සටන ඒ තරම් ම දරැණුවිය.ඔහුට කෙටි නිවාඩුව ලැබුනේ තුන්වන දිනයේදී ය.ඔහු ඒ මොහොතේම තම දරැවා දැකීමට කෙලින්ම ගියේ රෝහලටය්.

දින දෙකක් ප්රමාද වී පැමිනීම ගැන රෝහලේ වය්ද්යවරැ ලුතිනන් කර්නල් නිලන්තට මෙසේ පැවැසීය.

"ඔයාලට දරැවන් ගැන කිසිම අදහසක් නෑ.ඔයාල දන්නෙ මිනිස්සු මරන්න විතරය්.තමන්ගෙ දරැවන් ගැනවත් හරියට හිතන්නැති මිනිස්සු කොහොමද

අනිත් මිනිස්සු ගැන හිතන්නෙ...අනේ මන්ද මේ මිනිස්සු කොහොම යුද්ධ කරනවද කියලා..."

නිලන්තට තරහ නොආවෙය.පැමිනි ඒ සිතුවිලි ධාරාව ඔහු අකුරැ වලට පෙරැලීය.....

"ඔබට මේ ඇසෙන්නේ එ අකුරු බවට පත්වූ, ලුතිනන් කර්නල් නිලන්ත ජයවීර රණවිරැ පියාගේ ඒ මොහොතේ වූ සිතුවිලි දහරය්...හොදින්

ඇහුම්කන් දෙන්න.ඔහුගේ හදවතට.හෙළැ රණවිරැවන්ගේ හද ගැස්ම ඒ තුල වේ"

ලංකාවේ ජාවා මාෆියාව.

2010-07-31T19:51:00.003+05:30

කට්ටියටම මේක බලන්න කියලා මම අරාධනා කරන්වා,ලංකාවේ දක්ෂ වි.වි. ශිෂ්‍යන්ටත් අභියෝග කර පරිගණක මෘදුකාංග නිපදවීමේ හපන්නුන් බලාගන්න එන්න,ඔබලාටත් පුලුවන්ද කියලා බලන්න,මෙන්න වැඩ්ඩෝ(අනෙ මගෙ කට ).ලංකාව තුළ සිදුවන ජාවා ඉගැන්වීමේ මාෆියාව ..........

මේ තියෙන්නේ එළකිරි අඩවියේ ඔවුන් පළකරන අදහස්

http://www.elakiri.com/forum/showthread.php?t=149020&page=9

ඔවුන්ගේ මේ අදහස් ටික බලන්න,ඔවුන් කියන්නේ SCJP ට වඩා CCJP පිළිගන්නා බවකි.(CCJP පිළිගන්නෙ කොහෙද කියලා කියන්න පුළුවන්ද)

http://www.elakiri.com/forum/showthread.php?t=561029&page=3

තොරතුරු තාක්ෂණ ක්ෂේත්‍රයේ සිටිනා සිසුන්ට හා රැකියා කරන සියළු දෙනාම තමන් දන්නා දෙය අප සමඟ බෙදාගන්නා ලෙස මම ඉල්ලා සිටිනවා,මෙලෙස අයාලේ යන සිසුන් එයින් බේරාගන්නා ලෙස මම අවසන් වශයෙන් ඉල්ලා සිටිනවා.

අමතක නොවන සිදුවීම් - 1

2010-07-28T17:32:00.001+05:30

ගොඩ කාලෙකට පස්සෙ ලිපියක් ලියන්නේ,මම සින්ඩියේ ඉන්නවද කියලවත් දන්නේ නැහැ.අද ඉඳන් ඉඩ තියෙන වෙලාවට මගේ ජිවිතේ අමතක නොවෙන සිදුවීම් ටිකක් ගැන ලියන්න හිතුවා.ලිපි කිහිපයක්ම ලියන්න අදහස් කරගෙන ඉන්නවා.එහෙනම් අද දවසේ පළමු ලිපිය ඔබ වෙත ගෙන එන්නම්.මුලින්ම කියන්නේ මම මේවා ලියන්නේ සිදුවු පිළිවෙලට නෙමේ.

මේ සිදුවීම වුනේ මම උ/පෙ කරන කාලේ.උ/පෙ කරන්න මම ගියේ කොලඹ තියෙන පාසලකට .ඒ පාසල හා තවත් පාසලක් අතර වසරක් පාසා අනිවාර්යෙන්ම ගැටුමක් ඇතිවෙනවා.දන්නා විදියට අතීතයේ ඉඳන්ම මෙය සිදුවෙනවා.ඒ වයසේ ඉන්න කොල්ලොන්ගෙන් යම් ප්‍රමාණයකට හැදෙන ලෙඩක් තියෙනවනේ.වලි උණ.ඕක සමහර කට්ටියට හැදෙන්නේ වි.වි ගියාම.මටනම් ඒක හැදිලා හොඳවෙලත් ඉවරයි.හොඳවෙන්න හේතුවුන සිද්ධිය පස්සේ දවසක ලියන්නම්.මේක වුනේ 2007 වසරේ මුල හරියේ.සුපුරුදු පරිදි පාසල් දෙක අතර ගැටුම පටන්ගෙන දවස් කීපයක ගතවෙලා තිබුනේ.

මමත් පාසල් අවසානයේ පාසල ඉදිරියේ තියෙන බස් නැවතුමට අවා.ගැටුම් නිසා ළමුන් පාසල් ඒමත් අඩු වෙලා තිබ්බේ.මගෙත් එක්ක 138 බස් එකේ එන මිතුරන් කිහිප දෙනෙක් විතරයි එදින පාසල් පැමිණ තිබ්බේ.බස් නැවතුම අසල අප පාසලේ නියොජ්‍ය විදුහල්පති සහ අනෙක් පාසලේ නියොජ්‍ය විදුහලපති සිටි අතර ඔවුන් ළමුන්ට උපදෙස් දෙමින් බස් රථවල නංවා ආරක්ෂාකාරී ලෙස ළමුන් පිට කරමින් සිටියේ.138 බස් එකේ යන සිසුන් එකතු කර එකම බස් රථයකට නැග්ගු අතර අප හට වැඩියෙන් උපදෙස් ලැබුනේ , අප යා යුතුව තිබුනේ අනෙක් පාසල අසලින් නිසාය.පිටුපස දොර අසල ඇති අසුන ළඟ මම සිටගෙන සිටි අතර 13 වසරේ අයියා කෙනෙකු පසුපස දොර අසල සිටියේය.ඒ බසයේ සිටගෙන සිටි සියළු දෙනා අප පාසලේ ළමුන් වු අතර ඉඳගෙන සිටියේ සාමාන්‍ය මඟින්ය.තිඹිරිගස්යාය පසුකර අනෙක් පාසලේ ළමුන් සිටිනා බස් නැවතුම අසලට බස් රථය ආවත් ඒ හරියේ එකදු ළමයෙකු හෝ නොසිටි අතර බස් රථය වේගයෙන් කිරුළපන දෙසට එමින් සිටි අතර සිග්මා උපකාරක පන්තිය අසල විශාල සිසුන් පිරිසක් සිටින බව ඈත සිටම අපට පෙනුනු අතර බස් රථය එතන නොනවතා ඉස්සරහට යන ලෙස අප පාසලේ ළමුන් කියපු දේ ඇසු රියදුරු එතැන නවත්තන්නෙ නැතුව වේගයෙන් ගිය අතර අපගේ සැකය තහවුරු කරමින් එම ස්ථානයෙ සිටියේ අනෙක් පාසලේ සිසුන් කණ්ඩායමකි.අප එතනින් යනවිට නිකන්ම නොගිය අතර එම සිසුනට හොඳ හූ සංග්‍රහයක් දුන් අතර හස්ත සංඥා මඟින්ද අපගේ අදහස් ඔවුනට සන්නිවේදය කලේය.ඉන් පසු අප සැහැල්ලු සිතින් ආවේය.

බස් රථය නුගේගොඩ නගරයට ආසන්න වෙමින් තිබුනේය.මේ අතර අපගේ ඉල්ලීම පරිදි බසයේ සිටින මඟින්ගේ ආරක්ශාව පිණිස ඔවුන් නුගේගොඩ නගරයෙන් බස්සවා අප පාසලෙ පිරිස විතරක් ගෙන යාමට බස් රථයේ රිදුරුව සිටි අයියා කැමති විය.ඒ අනුව නුගේගොඩ fashion bug ඉදිරිපිට ඇති බස් නැවතුමේ මඟින් පිරිස බැස්සවීමට ආවේය.(දැන්නම් ඒ නැවතුම නැති අතර ,ගුවන් පාලම ඉදිකිරීමට එය කඩා දැම්මේය ).බස් රථය ඒ අසලට ළංවනවාත් සමඟ අපට දැකීමට සිදුවු දෙයින් අපගේ හද ගැස්ම මොහොතකට නතර වු අතර අපට ඉදිරීයේ අනෙක් පාසලේ ළමුන් 150-200 ත් අතර පිරිසක් දැකගත හැකිවු අතර බස් රථයේ සිටියේ පාසල් ළමුන් 25 ආසන්න පිරිසකි.ඒ අවස්ථාවේ මාරගයේ තිබු රථවාහන තදබදය සමඟ බස් රථය ඉදිරියට ගැනීමට නොහැකිව හිරවු අතර වටෙන්ම ආ සිසු පිරිස මුලින් ගල් වර්ශාවකින් අපට සංග්‍රහ කළ අතර එමඟින් බසයේ විදුරු විශාල ප්‍රමාණයක් කැඩි ගියේය. මා සිටගෙන් සිටි තැන අසුනේ සිටි කාන්තාවගේ ඔලුව පැලී තිබු අතර මා අමාරුවෙන් ඇයව නැගිටුවා බස රථයේ ඉදිරියට ගෙන ගිය අතර මාගේ තවත් මිතුරෙකු ඇයව අල්ලගෙන සිටින්නට දී පසු පසට පැමිණ මාගේ බෑගය ඇර එහි තිබු තීන්ත ස්ප්‍රේ කරන ටින් එක ගෙන බස් රථය අසලට පැමිණි සිසුනට එයින් පහර දෙමින්ද විටක එයින් තීත ස්ප්‍රේ ද කල අතර ඒ අවස්ථාවේ අඩු සම්පත් ප්‍රමාණයකින් පුළු පුළුවන් විදියට අපගේ සිසුන් පහරදුන්නේය.මාගේ සිතද ඒ වෙලාවේ අවුල් වී තිබු අතර එයට වැඩියෙන්ම බලපෑවේ මා අසල සිටි කාන්තාවගේ ඔලුව පැලි තිබු ආකාරය දුටු නිසාය.කේන්තිය,දුක,කළකිරිම,තරහ,භය වැනි හැම සිතුවිල්ලකින්ම මගේ හිත පිරී තිබුනි.ගැටුම විනාඩි 15 විතර ඇදීගිය අතර අපගේ එකදු සිසුවෙකුට හෝ බසයෙන් බැසීමට නොහැකිවන විදියට පහර පිට පහර දුන්නේය.මේ අතර මගේ කලිසම පුරා ලේ පැල්ලම් තිබුනේය, ඒ සියල්ල අර කාන්තාවගෙන් වැටුනු ලේ සහ වීදුරු කටු වලට සිරීමෙන් ඇතිවු තුවාල නිසාය.අප පාසලේ සිසුනට සුළු තුවල තිබු අතර බසයේ ගමන්ගත් මඟීන් තිදෙනුකට රෝහලගතකළයුතු මට්ටමේ තුවාල සිදුවී තිබුනේය.

බසය අපහසුවෙන් සවුසිරි ගොඩනැගිල්ල ඉදිරිපිට නැවැත්තු අතර තුවාල ලද අය එළියට ගෙන වාහන වල නංවා යැවු අතර අනෙක් මඟින්ද බැස ගියේය.ඒවනවිට අනෙක් පාසලේ ලමුන් පැනගොස් සිටියේය.ඒ සමඟම අප පාසලේ ගුරුවරයෙකු පැමිණ අප හට බනිනන්ට පටනගත් අතර මාගේ මිතුරන් දෙදෙනෙක් ලුණු ඇඹුල් සහිතව ගුරුවරයාට ඇමතීම සමඟ ඔහු එතනින් ගියේය.අදටත් ඔහු අපට බැනපු හේතුව මට සිතා ගත නොහැක.ඔහු යනවත් සමඟ දිග පොලු රැගෙන පැමිණි පොලිස් බාප්පලා කිහිප දෙනෙක් තුවාලකරුවන් රැගෙන ගොස් එමින් සිටි අපගේ පාසලේ සිසුන් කිහිප දෙනෙකුට පහරදුන් අතර බිමට බැස සිටි සියළුම සිසුන් බසයට නැග්ගුවේය.පොලිස් බාප්පලා ටික බස් රථය වට සිටගත් අතර පහරදී පළායන සිසුන් ඇල්ලීමට කිසිවෙකුත් නොගියේය.මේ වන විට නුගේගොඩ නගරේ විශාල පිරිසක් එකරැස් වී සිටි අතර සියළු දෙනාම අප දෙස බලා සිටියේය.පොලිස් පහරදීමට විරුද්ධව ඔවුන්ගේ අම්මා තාත්තාද මතක් කරමින් ඉතාමත් නරක වචන වලින් පිරුනු බැනවැදීම් කිහිපයක් බස් රථය එළියට ඔලුව දාමාගත සිසුන් කිහිප දෙනෙක් විසින් සිදුකල අතර ඒ සිසුන් පිරිසට මාද අයත් විය.

පසුව බස් රථය පොලිසිය විසින් මිරිහාන පොලිසිය දෙසට රැගෙන යමින් තිබුන අතර නුගේගොඩ දුම්රිය හරස් මාර්ගය අසල බස් රථයේ වේගය අඩු කලේය.ඒ සමඟ අපට පහරදි යමින් සිටි අනෙක් පාසලේ සිසුන් දෙදෙනෙකු දුටු අප පාසලේ සිසුවෙක් පොලිසිය සිටියදීම බසයෙන් පැන දුවගොස් සිසුවාට පහරදුන් අතර ඔහු සමඟ සිටි අනෙක් සිසුවා පැනගිය අතර අප පාසලේ සිසුවා අත්තඩංගුවට පත්විය.මේ අතර ලද අවස්ථාවෙන් බසයේ සිටි මගේ මිතුරෙක් බසයෙන් පැනගොස් සිටියේය.ඉන් පසු බසය මිරිහාන වෙත ගෙන ගියේය.පොලිසියට ලඟාවෙන්න ප්‍රථම මාගේ මිතුරෙක් ළඟ තිබු පිහියක් මා විසින් මාගේ සපත්තුව තුල සඟවා ගත්තේ එය අසුවේ යැයි ඔහු බියෙන් සිටි නිසාය.

පොලිසියට රැගෙන ගියපු අපගේ සියළු විස්තර සටහන් කරගත් අතර කට උත්තර කිහිපයක්ද ලබා ගත්තේය.බස් රථයේ රියදුරු අයියා හා කොන්දොස්තර අයියා විසින් දුන් කට උත්තරය නිසා පොලිසියේ පිරිස් තුල අප ගැන තිබු වැරදි වැටහීම නැති විය.පැය 2 කට පසු අපව සිටි තැනින් පොලිසිය පිටුපසට රැගෙන ගිය අතර ඉන් විනාඩි කිපයකට පසු අනෙක් පාසලේ සිසුන් 13 දෙනෙකු රැගත් වෑන් රථයක් පැමිණියේය.සිසුන් සමඟ එම පාසලේ ගුරුවරු කිහිපදෙනෙක්ද පැමිණි තිබුනේය.හවස 5.30 ට පමන අපට පොලිසියෙන් එන්නට අවසර දුන් අතර අප සියළු දෙනාම නිවෙස් බලා පිටත්විය.පෙර පරිදිම අපි එතනින් එන විට පැමිණි සිටි සිසුන්ට ඔරවමින්,විරිත්තමින් හා හස්ත සංඥා මඟින් අපගේ සිත් තුළ ඔවුන් කෙරෙහි තිබු හැඟීම ප්‍රකාශ කළේ පොලිසියටත් හොරාය.එදින මට රොටරියේ රසායන විද්‍යාව පන්තියක් තිබුනි.එය අවසන් වෙලාවට මම එතනට ගිය අතර පසුව වෙනදා මෙන් අප ගෙවල් පැත්තේ සිටින මිතුරන් සමඟ මම ගෙදර ආවේය.නිවසට එනකන්ම වට පිටාවේ සිටි සියළු දෙනා මා දෙස බැලුවේ අමුතුවෙනි,ඒ මාගේ ඇඳුමේ තැනින් තැන තිබු ලේ පැල්ලම් නිසාය.මේ සිදුවීම මාගේ හිත තුල අදටත් මැවී පෙනෙනවා.මා ගෙදර ආ පසු මගෙ අම්මා අඬපු විදිය දැකලා මම ගොඩක් දුක් වුනා.අම්මට මම වෙච්ච සිද්දියේ සමර දෙවල් නොකියා සිටි අතර එය අතටම අහු වුනේ එදින රාත්‍රී සිරස නාළිකාවේ ප්‍රවෘත්ති වලට බස් රථය පෙන්නු නිසාය.මේ සිද්දියේ මතක සටහනක් විදියට තීන්ත ස්ප්‍රේ ටින් එක අදටත් මා ලඟ ඇත.

සිදුවීමෙන් පසු ,

ඊට මාස ගානකට පසුව එම ටින් එකෙන් පහරක් වැදුන අනෙක් පාසලේ ළමයෙක් හම්බවුන අතර පසුව ඔහු මගේ හොඳම යාළුවෙක්ද වුනේය.

මා කලින් ඉගෙනගත් පාසලේ එක පේලියේ සිටි මගෙ හොඳම මිතුරෙක් අනෙක් පාසලේ උ/පෙ කරන්න ගිය අතර ඔහුද ඒ පාසල නියෝජනය කරමින් පහරදීමට පැමිණ ඇත.

ගැටුමේදී මඟින්ට වැඩියෙන් තුවාල වුනේ ඔවුන් අප කියපු දේ නොඅසා ආසන වලම වාඩිවී සිටි නිසාය.අදටත් ඔවුන් ගැන දුකක් මගේ හිතට දැනෙන්නේ ඔවුන් අමාරුවේ වැටුන නිසාය.

අප සිග්මා එක අසලදී හූ කියපු නිසා එතැන සිටි සිසුන් කණ්ඩායම අපේ පැමිණීම ගැන සියළු තොරතුරු නුගේගොඩ සිටි අනෙක් පිරිසට දුරකථන මඟින් දැනුම් දී ඇති අතර ඔවුන් හොඳට සූදානම් වී සිටියේ ඒ නිසාය.(එම පාසලේ සිටි සිසුන් කිවුව දේවල්ය, ඇත්තද බොරුද කියා මා නොදනී)

මේකත් කිවුවේ අනෙක් පාසලේ සිසුවෙක්,අපේ පසලේ ළමයෙක් ගහන්නට දෙයක් නැතිව කෙළ වලින්ද ගසා ඇත.

එදා මා සමඟ සිටි මිතුරන් දසිත්,රොබට්,රංගන(බසයෙන් පැන ගියේ ඔහුය ),ශානක අයියා,සමිල්,ප්‍රියන්කර(පිහිය ගෙනාවේ ඔහුය ),මම පුෂ්පේ(මට පාසලේ කියපු නම )

මම කියලා තියෙන විස්තර අනුව පාසල් දෙක මොනාවද කියලා හිතාගන්න පුළුවන්නේ..........කොච්චර ගහගත්තත් හැමදාම අපි හොඳ සහෝදර පාසල්.

මා ලිපියක් ලිවුවේ මාස ගණනාවකට පසු නිසා අඩු පාඩු තිබුනොත් පෙන්වා දෙන්න.මේ ලිපියේ මා හට සඳහන් කළහැකි සියළුම කරුණු දක්වා ඇති අතර කරුණු කිහිපයක් සඳහන් නොකළේය.තවත් කථාවකින් පසුව හමුවෙමු.

සොඳුරිය කියන් සිරකළ හැකිද ප්‍රේමය

2010-03-20T22:05:00.004+05:30

ගොඩකාලෙකින් ලිපියක් ලියන්න බැරිවුනා.මම බ්ලොග් ලිපියක් බැලුවෙත් සතියකින් පස්සේ.මේ දවස්වල ඉන්න පැත්තට එයාර්ටෙල් සිග්නල් නැහැ.ඒ නිසා අන්තර්ජාලේ පැත්තෙවත් එන්න බැරිවුනා.මම මේ දවස්වල ඉන්නේ ගම්පොළ ,පාතහේවාහැට ආසන දෙකේ.රෑ දවල් දෙකේම වැඩ.වැඩියෙන්ම ඉන්නේ ගලහා ප්‍රදේශයේ.එහෙට තමා සිග්නල් නැත්තේ.ඉන්න පැත්තනම් ගොඩක් ලස්සනයි.වැස්ස නැති නිසා ඒ සුන්දරත්වය පොඩ්ඩක් අඩුවෙලා තියෙන්නේ.කරන වැඩෙ ගැන ලිපි පෙළක් අලුත් අවුරුද්දෙන් පස්සේ දාන්නම්.අද ඉරිදා පත්තරේ කියවද්දි ලස්සන පුවතක් දැක්කා.පහත දැක්වෙන්නේ ඒ ලිපිය.මම මේ ලිපියේ මාතෘකාවට දැම්මෙත් ඒ පුවතේ සඳහන්වුනු මාතෘකාවමයි.අදට මම නවතින්නම්.ආයේ මේ පැත්තේ එන්න වෙන්නේ ලබන සතියේ.

අඳුරුය ජීවිතය සරදමකි දෛවය

නොදුරුය මඟක් සැනසුමක ඉදිරිය

පුරුදුය හිර ගෙදර නාඩන්න යෙහෙළිය

සොඳුරුය කියන් සිරකළ හැකිද ප්‍රේමය

- ගාමිණී

"කොළඹ මැගසින් සිරගෙදර ජීවිතාන්ත සිර දඬුවමක්‌ විඳින රවීන්ද්‍රන් පසුගියදා ඔහුගේ පෙම්වතිය වූ රංජනී සමග විවාහ විය. මැගසින් හිර ගෙදර විවාහ මඟුලෙන් පසු රවීන්ද්‍රන් ඉතිරි විය. මනාලිය සමග නෑසියෝද පිටත්ව ගියහ.

ඡායා-කමල් බෝගොඩ

උපුටා ගැනීම - දිවයින

රටකට ගිය කලක්

2010-03-03T14:21:00.004+05:30

මම මේ සිදුවීම මුලින්ම දුටුවේ දෙරණ නාලිකාවේ ප්‍රවෘත්ති බලමින් ඉන්නකොට,වැඩි විස්තරයක් ඒ වෙලාවේ දැනගන්නට නොහැකි වුවත් පසුව විවිධ මාර්ගයන්ගෙන් මේ සිද්ධිය පිළිබඳ දැනගන්න පුළුවන්වුනා.අද දින මෙහි සම්පූර්ණ සිදුවීම දැන්ගත්තා.අපේ රටේ ඉගෙන ගන්නා සිසුන් අතරින් විශ්ව විද්‍යලයකට යන්න පුළුවන් වෙන්නේ 2% ආසන්න පිරිසකට විතරයි.ඒ රටේ බුද්ධිමත්ම පිරිසයි.ඒත් මෙවැනි සිදුවීම් දකිනකොට මොවුන් බුද්ධිමත්ද මන්දබුද්ධිකද කියලා හිතාගන්න අමාරුයි.පහත සටහන් කරලා තියෙන්නේ කොළඹ විශ්ව විද්‍යාලයීය පරිඝනක අධ්‍යයනායතනයේ ශිෂය සංගමය විසින් නිකුත් කරපු නිවේදනය මෙතැනින් ලබාගන්න.හැමෝම බලන්න.

දෙරණ නාලිකාවේ ගිය පුවත

ගලා දැන් පැන්ඩෝරාවේ

2010-02-25T14:35:00.010+05:30

මම ආසම ෆිල්ම් එක ඇවටර්.දැනට 4 පාරක් බැලුවා. ඒකට ඉතින් බයිස්කෝප් එකට තමා පින්සිද්ද වෙන්න ඕනා.සිංහල සබ් එක්කනේ දුන්නේ,ඒ නිසා කතාව හොඳින් රස විඳින්න පුළුවන්වුනා.රොයිලි අයියට ගොඩක් ස්තූති සිංහල සබ් එක්ක ෆිල්ම් දෙනවට. ඔහොම ඉන්න අතරේ ඊයේ බ්ලොග් බලද්දි photoshop වලින් ඇවටර් රූපයක් හදන හැටි තිබ්බා.කස්සාගේ සයිබර් සටහනේ තිබ්බේ.පොඩි පොඩි වැඩ වලට photoshop භාවිතා කරලා තිබ්බට මේ වගේ වැඩක් කරලා තිබ්බෙ නැහැ.දැක්ක ගමන් ආස හිතුනා කරලා බලන්න.ඒත් ඉතින් වෙලාවක් තිබ්බේ නැහැ.රැ 12 විතර වැඩේ පටන්ගත්තා.පැයක් විතර කරලා නිදාගත්තා.ඉතුරු ටික උදේ නැගිටලා කරලා ඉවර කලා.මම හැදුවේ මම 12 වසරේ ඉන්න කාලේ ගත්ත පින්තූරයක්.වැඩේ හොඳට උනා කියලා හිතානවා.මුල්ම එක හින්දා අඩුපාඩු ගොඩාක් ඇති.නහය හදාගන්න තමා වැඩිම වෙලාවක් ගියේ.කසුන් නදීශනට ස්තූති කරන්න ඕනා මෙවැනි දෙයක් කියලා දුන්නට.මුලින් හිතුවට වඩා වැඩෙ ටිකක් අමාරුයි.අනික සංයමයකින් වැඩක් කරනවා කියන්නේ අපිට කරන්න බැරිම දෙයක්නේ.

මේ තියෙන්නේ හදපු පින්තූරේ.හොඳ ද ?

පසුව ලියමි........................ රොයිලි අයියා දැන් හොඳ ද

මේ දවස්වල ජිවිතේ ...............

2010-02-14T09:51:00.004+05:30

ගොඩ දවසකින් ලිපියක් ලියන්න බැරිවුනා.මේ ටිකේ සින්ඩියේ ගියපු හැම ලිපියක්ම වාගේ කියෙවුවා.අලුතින් බ්ලොග් අඩවි ගනණාවක් සින්ඩියටත් එකතු වුනා.මම ටික දවකට කලින් ගියපු තැන් දෙකක් ගැන කියන්නම්..........

අවසන් වරට පාර්ලිමේන්තු තියපු දවසේ මමත් ගියා ඒ පැත්තේ.ගැලරියේ ටික වෙලාවක් ඉඳලා අමුත්තන්ගේ භොජනාගාරයෙන් දවල්ට කාලා ආවා.ලංකාවේ ලොකුම මොන්ටිසෝරියට ගියා වගේ හැඟිමක් තමා මට ආවේ.මම යද්දි ජවිපේ විජිත හේරත් මහතා කතා කර කර හිටියේ.ඊට පස්සේ මහින්දානන්ද අලුත්ගම කතා කලේ.නියම කතාව,කොමඩි ෆිල්ම් එකක් බලනවා වගේ.පාසල් තුනකින් ළමයි ඇවිත් හිටියා ඔක්කොටම හිනා.ඒකේ ඇතුලේ විඩියො ටිකක් එකතු කරලා එඩිට් කරලා ගත්තනම් නියම කොමඩි ෆිල්ම් එකක් හදන්න පුළුවන්.පාර්ලිමේන්තුව ඇතුලේ අනවශ්‍ය වියදම් විශාල වශයෙන් තියෙන බවනම් හොඳට තේරුනා(වැඩියෙන්නම් භෝජනාගාර තුල ).ඒවුනට මමත් හොඳට කෑවා.මම ගියේ මගේ මාමා එක්ක(මාමා පාර්ලිමේන්තු ආණ්ඩු පක්ෂ මන්ත්‍රිවරයෙක්).මම මීට කලින් එක පාරක් පාර්ලිමේන්තු ගිහින් තිබ්බා.එදා වගේම අදත් ආරක්ෂාව ඒ පරිද්දෙන්ම තියෙනවා.මාව තැන් තුනකදි පරික්ෂා කලා.මගේ ෆෝන් එකත් ගත්තා.ඕනෑම කෙනෙකුට යන්නට හැකි වුවත් ඒ සඳහා කලින් අවසරයක් ගන්න ඕනා.ගැලරියෙදි විනීතවත් ලෙස හැසිරෙන්න ඕනා(ඒ නිතී අපට මන්ත්‍රිලා පොඩි බබාලා වගේ).ලෝකයේ විවිද වර්ගේ පාර්ලිමේන්තූ පින්තූර වලින් දැක තිබුනත් මම දැකලා තියෙන ලස්සනම පාර්ලිමේන්තුවතමයි ලංකාවේ තියෙන එක.ගිහින් නැත්තම් එකවරක්වත් ගිහින් බලන්න.

මම 8 වෙනිදා ගියා මගේ යාළුවෙක් එක්ක පොඩි වැඩකට.සමීක්ෂණයක් කියලා කිවුවේ.ගියාට පස්සෙයි වැඩේ තෙරුනේ.ඒ ආයතනය කරන්නේ විවිධ නිශ්පාදන සිදුකරන ආයතනවලට තම නිශ්පාදනවල ජනප්‍රියතාව වැඩිකරගන්න ක්‍රම ගැන උපදෙස් දෙන එක.මම ඇතුලු පිරිමි ළමයි 8 දෙනෙක් හිටියා.සියළු දෙනාම අවුරුදු 15 ත් 20 අතර අය වීම අනිවාර්ය කරුනක්.විශාල මේසයක් වටේට අපි 8 දෙනාව වාඩිකරවලා ඒ ආයතනයේ දෙදෙනෙක් පැමණ අපගෙන් පැය දෙකකට ආසන්න කාලයක් විවිධ ප්‍රශ්න අහුවා.ඔවුන් ඒ සියලුදේම පටිගතකලා.ලංකවේ කෝලා බීම(coca cola හෝ sha cola) ආයතනයක් ඔවුන්ගේ බීම අඩංගු බෝතලයේ හැඩය වෙනස් කරන්න යනවා.ඒක හොඳද නරකද,තමන්ට හිතෙන දේවල්,වෙනස් වියයුතු දේවල් ගැන අහුවේ.ඔවුන අපිට කිසිම වෙලාවක අලුත් බෝතලයක් දාන්න යන්නේ කියලා කිවුවේ නැහැ.අහපු ප්‍රශ්නවලින් ඒක තේරුම් ගත්තේ.මගෙනම් කැමැත්තක් නැහැ ඒ බෝතලේ ගැන.මටනම් අන්තිමට එපා වෙලා හිටියේ (මාව ගෙනාපු මිතුරගේ සියළු ඥාතීන්ට කීවිසුම් යන්න ඇති ).අන්තිමට කාගිල්ස් ෆුඩ් සිටි එකෙන් බඩු ගන්න වවුචර් එකක් දුන්නා.

අද වැලන්ටයින් නේද...........මම පෙම්වතෙක් වුනාට අද දවස මට ජීවිතයේ එක් දිනයක් විතරයි.හැබැයි සමහර කොල්ලොන්ටනම් වැලේ වැල් නැතිවෙන දවස.වැලන්ටයින් සාමිවරයාට පින්සිද්දවෙන්න බිස්නස්කාරයින්ටනම් සුභම සුභ දවසක්.

ව්‍යාජ windows 7 අව්‍යාජ කරගන්න

2010-02-02T20:47:00.005+05:30

මම අද කියන්න යන්නෙ යන්නේ නිත්‍යානුකූල නොවන වින්ඩොස් 7 නිත්‍යානූකූල කරගැනීම ගැන.මම මාගේ මිතුරෙකුගේ පරිගණකයට වින්ඩොස් 7 දැමු අතර එය active කිරීම සඳහා වින්ඩොස් 7 loader එකක් භාවිතා කලා.පසුව එයට වෛරස් ගාර්ඩ් එකක් ලෙස මයික්‍රොසොෆ්ට් මඟින් ලබාදෙන Microsoft Security Essentials ස්ථාපනය කලා.ඒක ස්ථාපනය වීමේදි අපගේ පරිගණකයේ තිබෙන මෙහෙයුම් පද්ධතිය නිත්‍යානූකූල එකක්ද යන්න පරික්ෂා කර බලයි.මිතුරාගේ පරිගණකයේ තිබ්බේ නිත්‍යානූකූල නොවන මෙහෙයුම් පද්ධතියක් වුවත් ස්ථාපනය විමේදි එය නිත්‍යානුකූල එකක් ලෙස පෙන්නුම් කල අතර එය පරිගණකයට ස්ථාපනය විය.මීට පෙර වෙනත් පරිගණක වලට දැමීමට උත්සහාකලත් ඒවා නිත්‍යනූකූල නොවන නිසා ස්ථාපනය නොවීය.

පසුව මම වින්ඩොස් 7 යවත්කාලීන කල අතර එයද නිවැරදි අකාරයෙන් ස්ථාපනය විය.ඔයාලත් කරලා බලන්න.වෛරස් ගර්ඩ් හොය හොය මහන්සිවෙන්න ඕනෙත් නැහැනේ.වැඩේ හරි ගියාද වැරදුනාද කියලත් කියන්න.මොනවාහරි ගැටළුවක් තියෙනවනම් අහන්න.

Microsoft Security Essentials මෙතැනින් බාගන්න

windows 7 loader මෙතැනින් බාගන්න

වංගු වංගු ගලනකොටයි ගඟක් ලස්සන ................ හැංගි හැංගි බලනකොටයි ඔයා ලස්සන ................

2010-01-30T10:16:00.004+05:30

මේ සතියේ බොහොම අමාරුවෙන් හිටියේ.....................සතියකට වරක් තමයි මගේ එක්කෙනාව බලන්න යන්නේ.එක දවසක් හම්බවෙන්නෙත් බොහොම අමාරුවෙන්.ගෙදරට බොරු කියන එකතමා අමාරුම දේ.මට මේ දවස්වල පන්ති තියෙන්නේ සෙනසුරාදා ඉරිද නිසා සතියේ දවසක ගෙදරින් එළියට යනවනම් පැහැදිලි පිළිගතහැකි බොරු කියන්න ඕනා.ගොඩාක් වෙලාවට මගෙ යළුවො ටික තමයි මම පවා දෙන්නෙ.මේ ඡන්දේ හින්දා මොනදේ තිබ්බත් අම්මා යන්න දෙන්නෙ නැහැ කියලා කලින්ම කිවුවා.ඒක හින්දා මේ සතියේ එයාව බලන්න යන්න බැරිවුනා .මමත් දුකෙන්,එයත් දුකෙන්.කොච්චර මැසේජ් ගැහුවත් කෝල් කලත් වැඩක් නැහැ කෙල්ලෙගේ මුණ් පොඩ්ඩක් බලාගන්න බැරුව.ලියුමක් ලියපු කාලයක් මතක නැහැ.දැන් ඔක්කොම තාක්ෂණෙන්නේ.ඉස්සරනම් (ස/පෙ ) සිංහල විචාර ලියන්න දුන්නම ගෙදර කට්ටියට පේන්න හෝ ගාලා විචාර ලියනවා.විචාරේ ටිකයි ලියුමේ ටිකයි මාරුවෙන් මාරුවට ලියනවා.වැඩ හින්දා ගෙදර කට්ටිය ළඟට එන්නෙත් නැහැනේ.අපි දෙන්නා ඉස්සර හොඳම යාළුවෝ.දැනුත් මාගේ හොඳම යාළුවා එයා.ඒ කාලෙත් මගේ හිතේ එයා ගැන අදහසක් තිබ්බා.ඒත් අපේ යාළුකම නැතිවේවි කියන බයට ඒක කියන්න බැරිවුනා.ස/පෙ පස්සෙ අපි දෙන්නා කොළඹ ඉස්කෝල දෙකකට ගියේ.ඒ කාලේ ෆොන් එකක්වත් නැති හින්දා ගොඩාක් හිතේ අමාරුවෙන්තමයි කාලය ගත කලේ.අපි දෙන්නා ඈත්වෙලා ඉද්දිතමයි තේරුනේ අපි දෙන්නට දෙන්නා නැතුව ඉන්න බැරි බව.ඒත් අන්තිමට අපි දෙන්නගෙ හිතේ තිබ්බ දේවල් හංගගෙන ඉන්න බැරිවුනා..................................................

හොඳම යාළුවාට අමතරව මගේ පෙම්වතිය කරගන්නත් පුළුවන් වුනා.යාළුවා කාලේ එයාගේ කට ටිකක් සැරයි.මට උපදෙස් ගොඩයි.දැන්නම් උපදෙසුත් අඩුයි.කටේ සැරත් අඩුවෙලා.මම එයාව හම්බවෙන්න යන තැන මට හිතෙන විදියට ලෝකයේ ආරක්ෂිතම තැන මෙන්ම තවත් වෙලාවකට අනාරක්ෂිත තැනත් වේ.හිතේ දුකට මේක ලිවුවේ.මම මේ ලිපියට දාපු නම මට ගොඩාක් සමීප එකක්,අපි 11 වසරේ ඉද්දි අපේ පන්තියේ වහලෙට සම්බන්ද පරාලෙක මම ඕක ලිවුවේ.

2010 ජනවාරි 27

2010-01-28T16:20:00.006+05:30

මම මේක දැක්කේ එළකිරි එකේ රවුමක් දාද්දි.අනාගතය බලන්න පුළුවන් පොරක්.පොස්ට් එක දාලා තියෙන්නේ 2010.01.25 ප.ව. 2.24 ට.2010.01.27 දවසේ වෙන්න පුළුවන් දේවල් ගැන ලියලා තියෙන්නේ.

ලොකු කරලා බලන්න පින්තූරේ උඩ click කරන්න.

පොස්ට් එක බලන්න

ඡන්දය ඉවරායි................

2010-01-26T20:32:00.004+05:30

ඡන්දය ඉවරයි.හෙට උදේ වෙද්දි ප්‍රතිඵල දැනගන්න පුළුවන්.මම උදෙන්ම ගිහින් ජීවිතේ ප්‍රථම ඡන්දේ දීලා ආවා.මහින්ද රාජපක්ෂට තමා ඡන්දය දුන්නේ.සරත් ෆොන්සේකට ඔහුගේ ඡන්දයත් අහිමි වෙලා තියෙනවා.හෙට උදේ වෙනකන් ඉන්න වෙනවා ශ්‍රී ලංකාවේ මිළඟ ජනාධිපති වෙන්නේ කවුද කියලා දැනගන්න.

දෑතින් කල විස්කම්

2010-01-24T18:31:00.001+05:30

මුලින්ම මේ පින්තූර ටික දකිද්දි පුදුමත් හිතුනා(මම පින්තූර ටික upload කරන්න කම්මැලි නිසා විඩියෝ එකක් හදලා youtube දැම්මා).හොඳ වැඩකාරයෙක්.මේ මනුස්සයාගේ දක්ෂතාවනිසා ඒ කාර් එකට එක්වුන වටිනාකම මිලකල නොහැකියි.ඔයාලගෙ අදහස මොකක්ද.....

බොන එක හරිද ??????

2010-01-23T13:12:00.005+05:30

බොන එක ගැන ලියන්න හිතුනේ පෙරේද මම ගියපු මඟුල් ගෙදරක සිදුවු සිදුවීම් පෙළක් නිසා.මත්පැන්,දුම්වැටි බොන එකට මම අකමැති.ඒකට හේතු කීපයක් තියෙනවා.අපිට ඒවයින් කිසිම ප්‍රයෝජනයක් නොලැබීම,වියදම,අතුරු අබාධ,ප්‍රශ්න වැඩීවීම වගෙ දේවල් නිසා මම ඒවා බොනවට කැමති නැහැ(තවත් දෙයක් තියෙනවා මගේ පියා මටත් එක්ක ඒවා බීලා තියෙන්නේ ,අපේ අම්මානම් කියන්නේ ලේසියෙන්ම රකින්න පුළුවන් එකම සිල් පදේ ඕක විතරලු ).බොන කට්ටිය ඒ සම්බන්ධයෙන් නිතර කියන හේතු කීපයක් තියෙනවා.ඇඟට අමාරු වීම,සතුටට,දුකට,ප්‍රශ්න වලට උත්තර හොයන්න,ප්‍රශ්න අමතක කරන්න,අත්හරින්න බැරිවීම වැනි කාරණා ප්‍රධාන වේ.බිවුවාම තියෙන ආතල් එක මොකක්ද කියලා මට හිතාගන්න අමාරුයි.බොන කට්ටියගෙන් මට අහන්න ප්‍රශ්න කීපයක් තියෙනවා,

ඇයි බොන්නේ ?

බිවුවාම තියෙන ආතල් එක මොකක්ද ?

අපිට ලැබෙන ප්‍රයෝජන මොනවද ?

මෙතක්කල් බීලා ලබාගෙන තියෙන දේවල් මොනවාද ?

බොන නොබොන එක තමාගේ පුද්ගලික දෙයක්.ඒකට මම මුකුත් කියන්නේ නැහැ.ඒත් ඒ වැඩෙන් අපිට කිසිම ප්‍රයෝජනයක් නැත්තම් කරලා වැඩක් නැහැ.මට බොන යළුවෝ ගොඩක් ඉන්නවා.ඒ හැමෝම කියන්නේ අද නවත්තනවා,හෙට නවත්තනවා කියලා,ඒත් අද වෙනකන් නවත්තපු කෙනෙක් නැහැ.මතට තිත කියලා රට පුරා කිවුවට මත්ද්‍රව්‍යය හරියාකාරයෙන් පාලනයක් සිදුවන්නේ නැහැ.හැමතැනම බාර්.පෝය දවසටත් කිසි ප්‍රශ්නයක් නැතුව බඩු හොයගන්න පුළුවන්.පොලිසිය අල්ලන්නෙත් කසිප්පු බැරල් එකක් හරි රා මුට්ටියක්.ඊටවඩා මොනවාහරි කලොත් සොරිමතමා.මා දන්න පරිදි රජයට වැඩියෙන්ම බදු ගෙවන ආයතනය වෙන්නේ ලංකා දුම්කොළ සමාගමයි.බොන එක(මත්පැන්,දුම්වැටි ) සම්බන්ධයෙන් ඔයාලගේ අදහස මොකද්ද ??

පින්තූර අන්තර්ජාලය ඇසුරෙනි.

ඡන්දේ ....ඡන්දේ ....ඡන්දේ ....ඡන්දේ ....

2010-01-21T11:27:00.002+05:30

හැමෝගෙම කටේ තියෙන්නේ ඡන්දේ ගැන.තව දවස් 4 පැය 20 ක් විතර තියෙන්නේ.

මේ දවස්වල ප්‍රචාරයවන මැතිවරණ දැන්වීම්වලින් මම ආස දැන්වීම ටිකක් දාන්න හිතුනා.මෙවර මැතිවණයේදි දෙපැත්තෙන්ම අලංකාර දැන්වීම් පෙළක් නිර්මාණය කර ඇත.ඒ අතර මඩ දැන්වීමද විශාල වශයෙන් නිර්මාණය වී ඇත.

ගුරුන්ටත් අකුරු වරදී..............

2010-01-20T14:09:00.003+05:30

මේ දවස්වල හොඳට හිනාවෙලා ඉන්න ඕනානම් අනිවාර්යෙන් ප්‍රවෘත්ති බලන්න ඕනා.මමනම් බලන්නේ ස්වර්ණවාහිනියේ live@8.කියන කතා,දවසේ කතාව වගේ විශේෂාංග බලපුවාම හොඳට හිනාවෙලා ඉන්න පුළුවන්.මම අද දාන්න යන්නේ මම දැක්ක විඩියෝ එකක්.අපි හැමෝටම වැරදි වෙනවා,ඒවට හිනාවෙන්න හොඳ නැහැ,ඒත් මේවා දැක්කම හිනා නොවිත් බෑ.මට ලැබුනේ සරත් ෆොන්සේකා මහත්තයාගේ පැත්තෙන් ඇහෙන වැරදි කතා ටිකක්.අනිත් පැත්තෙන් කරන මේවගේ දේවල් තිබ්බොත් කියන්න.

අහිමි වූ ප්‍රේමය

2010-01-19T16:22:00.002+05:30

මම මේක දැක්කේ FB එකෙ තිබිලා.කියවද්දි ආස හිතුනා.කාගෙ නිර්මාණයක්ද කියලා දන්නෙ නැහැ.

AVATAR හි චරිතයක් වෙන්න ආසද ?

2010-01-18T23:08:00.003+05:30

පැන්ඩෝරා ලෝකයේ නාවි ජීවියෙක් වෙන්න ආසද.මේ වෙබ් අඩවියට යන ලින්ක් එක දාලා තිබ්බෙ එළකිරි එකේ සහෝදරයෙක්.මුලින්ම එයට ස්තූති කරන්න ඕනා.මේ වෙබ් අඩවියට ගිහිල්ලා අපේ පින්තූරයක් දුන්නම ඉන්න නාවි ජිවීයෙක් වගෙ අපේ මුණේ පින්තූරයක් හදලා දෙනවා.මමත් එකක් හදාගත්තා.බලන්න ලස්සනද කියලා.ඔයාලත් එකක් හදාගන්න.නිකන් ඉන්නවට වඩා ලස්සනයි වගේ.පසුබිම වගේම මුණේ ඉරියවු වෙනස් කරන්නත් පුළුවන්.

මෙන්න ලින්ක් එක http://www2.mcdonalds.fi/day/avatar/avatarize.php

මා සිත්ගත් "ලෝචනා"

2010-01-18T16:39:00.004+05:30

එක වෙලාවකට මට පිස්සු කියලත් හිතෙනවා.මම අද බ්ලොග් එකේ දාන්න ලිපියක් ලිය ලිය ඉන්නකොට එක පාර මම ඉස්සර ආසාවෙන් බලපු ටෙලිනාට්‍යයක් මතක්වුනා.ඊට පස්සේ ඒක ගැන ලියන්න හිතුනා.

මීට වසර කීපයකට කලින් දිවයින පත්තරේ මීවිත අතිරේකේ සතිපතා පළවු "ලෝචනා" නවකතාව මම ගොඩක් ආසාවෙන් කියවපු කතාවක්(මම පොත් කියවන්න අකමැත්තක් තිබ්බට පත්තරක් කියවන්න ඇබ්බැහි වෙලා ඉන්නෙ ).පස්සෙ කාලෙක ඒක නවකතාවක්ලෙස එළියට ආවා.ඊටත් පස්සේ තමා ටෙලිනාට්‍යය ආවෙ(දැන්නම් දවසගානේ යන චුයින්ගම් නාට්‍ය නිසා ටීවි බලන්නත් එපා වෙල තියෙන්නෙ ).මේ කතාවට ආසවුන හේතුවනම් මම දන්නේ නැහැ.ඒත් හැම සතියෙම ඒ වෙලාවට ඒ නාට්‍යය යන වෙලාවට මොන වැඩ තිබ්බත් මම ටිවි එක ළඟ.සමහර යළුවෝ කිවුවේ මේක බොළඳ ආදර කතාවක් කියලා(කවුරුහරි කියනවද "බොළඳ" කියන එකෙ හරි අදහස ).මගේ පිස්සුව තදවෙච්චපාර youtube එකේ රවුමක් ගිහිල්ලා මේ නාට්‍යයේ කොටස් ඔක්කොම අද download කලා.(2.17 GB කොටස් 127 කට වෙන්කරලා youtube දාලා තිබ්බේ ).

මැරියන් නගා නැති රොබින් හුඩ්

2010-01-17T22:25:00.006+05:30

රොබින් හුඩ් වල දැන් මැරියන් නගා නැත.මැරියන් නගා ගිය සතියේ රොබින් හුඩ් අයියාගෙන් සමුගත්තේය.හිතට දුකය.බලන්නටත් හිතක් නැත.ඉදිරියට කුමක් වේවිද ??????

මැරියන් නගා අයේත් ඒවිද ?????

නවතම ඉන්දීය වීර කාව්‍ය

2010-01-17T13:56:00.007+05:30

මම අද කියන්න යන්නේ ජනවාරි 22 දින නිකුත් වීමට නියමිත ඉන්දියානු වීර කාව්‍යක් ගැන.youtube එකේ පොඩි රවුමක් යද්දි දැක්කේ.මම ආසම නළුවා ඉන්න නිසා බැලුවා.(ඉන්න ගෑනු ළමයත් ලස්සනයි)කතාවනම් මරු වගේ,ඒත් ඉතින් 22 පස්සේ තමා බලාගන්න වෙන්නේ.දැක්ක විදියට Jhoda akbar වගෙ.කට්ටිය මේ ගැන විස්තර දන්නවනම් කියන්න.

නිළ වෙබ් අඩවිය VEER

සිතට දැනුනු දමිළ සිතුවම

2010-01-16T22:34:00.010+05:30

මම අද කියන්න යන්නේ ලස්සන ද්‍රවිඩ චිත්‍රපටියක් ගැන.නමින් Vaaranam Aayiram (2008) වේ.මුලින්ම ස්තූති කරන්න ඕනා ටොරන්ට් ගැන සිංහලෙන් බ්ලොග් එකට.එහි මේ චිත්‍රපටිය ගැන සඳහන් වුයේ පසුගිය අවුරුද්දේ සැත්තැම්බර් මාසයේය.නමුත් මා මෙය ලබාගත්තේ මීට දින දෙක තුනකට කලින්.මා මෙතෙක්කල් දුටු ඉතාමත් ලස්සනම ද්‍රවිඩ චිත්‍රපටි වලින් මෙය එකක්වේ.ඔයාලත් අනිවා බලන්න.ආදරය ,විරහාවේදනාව,පවුල් සබඳතා වැනි මුලික කාරණා පදනම් කරගෙන මේ චිත්‍රපටිය මනරම්ව ගලාගෙන යයි.මේ චිත්‍රපටි මගේ හිතට සමීපවුනේ මගේ පියා සහ මා අතර ඇති සබඳතාව නිසාය.

මෙතනින් බාගන්න

පින්තූර වැඩියෙන් දැම්මේ මට වචනවලට ගලපගන්න බැරි ගොඩක් දේ මේ පින්තූර ටික ඔබලාට පවසාවී..............

විශේෂ ස්තූතිය ටොරන්ට් ගැන සිංහලෙන්

පින්තූර ලබගත්තේ www.indiaglitz.com

වැඩි විස්තර http://en.wikipedia.org/wiki/Vaaranam_Aayiram

සිතබැඳි ගීයක් ගයමි මෙසේ

2010-01-15T19:56:00.002+05:30

සමනල සමනලියන් මැද්දේ අද

සඳක් වගේ මුහුනේ

විසිරෙන හසරැල් යුවතිපතින්නේ

දොලොස් මහේ පහනේ //

භවයෙන් භවයට සසරින් සසරට

පැතු පැතුම් දහසයි

සුරතින් සුරතට අත්පැන් වක්කොට

ලැබු උදම් දහසයි

එකම කැදැල්ලක ලැඟුම් ලබන්නට

වරම් ලැබු දවසයි

ඔබ ඔහුගේ වෙයි

ඇය ඔබගේමයි

දෙහදක් අද එක්වෙයි

මදුමල් මංගල මල්ලෝවිල්ලක

අද පුර සඳ පායයි

දිගු කල් අත්වැල් බැඳ

වැජඹෙන්නට

හැම දෙවි රැකවරණයි

සමනල සමනලියන් මැද්දේ ......//

අද සිංදුවක් ගැන ලියන්න හිතුනා.මේක මම අහම්බෙන් දැක්කේ.ඉස්සරනම් සුපර් ස්ටාර් බලනවා.දැන්නම් ඒවා දැකලම එපා වෙලා.කම්මැලිකමට දෙරණ dream star වැඩ සටහන බලන් ඉද්දි තමා මේක දැක්කේ.හිතට අමුතුම හැඟීමක් ආවා මේක අහද්දි.මටනම් තව කල් තියෙනවා මේවා ගැන හිතන්න.(දැනටත් හිතලා තියෙන්නේ,එත් ක්‍රියාවට නංවන්න තව කල් තියෙනවනේ).ඔයාලත් අහලා බලන්න.මුල් ගායනය මිල්ටන් මල්ලවාඅරච්චි මහතාගේ.වැඩසටහනේදී ගැයුවේ උදේශ් මනෝජ් නම් නවක ගායකයයි.

මට මුල් ගායනය වඩා නව ගායනය හිතට ඇල්ලුවේය.එයට හේතුවක් වන්නට ඇත්තේ නව සංගීතය මුසු වීමයි.

පින්තූරය ලබා ගත්තේ www.trederfamily.com

මුල් ගායනය මෙත්නින් ලබාගන්න

දෙරණ dream star ගායනය බලන්න.

මේ වීඩියෝ වල තේරුම කුමක් ද ?

2010-01-15T19:41:00.002+05:30

මේ ගැන කුමක්ද සිතන්නේ............................

බ්ලොග් ලිපි ඉස්සීම

2010-01-14T20:19:00.006+05:30

අපේ බ්ලොග් ලිපි මෙහෙම කොපි කරන එක හරි ද ?

සඳහනක්වත් දැම්මොත් හොඳයි නේද,නැත්තම් අපි හොරු වගෙනේ

AVATAR තිරයෙන් පිටුපස ...............

2010-01-14T11:23:00.001+05:30

AVATAR හී තිරයෙන් පිටුපස සිටින සැබෑ දක්ශයින්ගේ වැඩ කොහොමද.........දැක්කාම පුදුමත් හිතෙනවා ඔවුන්ගේ කැපවීම දිහා බලපුවාම.තාම මේක බලාගන්න බැරිවීම ගැන දුක් වෙනවා.හොඳ කොපියක් එනකන් බලාගෙන ඉන්නවා.

අපේ කොල්ලො කප් එක ඉස්සුවෝ..වෝ..වෝ..වෝ..වෝ......................

2010-01-14T01:05:00.002+05:30

අපේ කොල්ලො කොහොමහරි දුන්නා බැටේ.පට්ට මැච් එක.නවකයන් ඉදිරියට ආපු තරඟාවලියක්.සංගා මහේලෙගේ සුපුරුදු පිතිකරණය දකින්න ලැබුන එකත් සතුටට කරුණක්.තිසර පෙරේරා..............ලංකාවේ අලුත්ම බුලට් එක. මැච් එකේ පින්තූර ටික එකතු කරලා විඩියෝ එක හදලා Youtube එකට දැම්මා.ඔයාලත් බලන්න

එකම ... ? එකම .... ? එකම .... ?

2010-01-13T23:33:00.005+05:30

හෙට ලොව ජයගන්න අප එකාමෙන් නැගි සිටිය යුතුය.

කොහොමද වන්ඩිය ................TRANSFORMERS car in Sri lanka

2010-01-12T23:57:00.017+05:30

මම මේක මුලින්ම දැක්කාම විශ්වාස කලෙත් නැහැ.හේතුව ඔයාලට හිතාගන්න පුළුවන්නේ.මම ආසම භාණ්ඩේ.ලංකාවට ගෙනාපු පළවෙනි එක.දැනගන්නට ලැබුන පරිදි ආසියාවටම ඇත්තෙත් මේක විතරලු.දකිනකන් ඉවසුම් නැහැ.අපිටනම් මේවා ගන්න එකත් එකත් හීනයක්,මොකද අපි තාම පුට්ටාර් එකේනේ පංති යන්නෙ.මේකේ අයිතිකාරයනම් තාම දන්නෙ නැහැ.(නාමල් නොවේ).මොනවාවුනත් බර දතක් වෙන්න ඕනා.මට ලැබුන පිංතූර ටික දාන්න කම්මැලි නිසා ,ඒ ටික එකතු කරලා විඩියෝ එක හදලා Youtube එකට දැම්මා.ඔයාලත් බලන්න,

පින්තූර ටික ගත්තේ එළකිරි හා gamer.lk තුලිනි.

රට ද ? බඩ ද ?

2010-01-12T22:38:00.001+05:30

මගෙ ඡන්ද කාඩ් එක අද උදේ ආවා.ජීවිතේ ප්‍රථම ඡන්දේ.මම කලින්ම තීරණය කලා මහින්දට ඡන්දෙ දෙන්න.එයට හේතු කීපයක් තියෙනවා.ඒවා ඉතින් පෞද්ගලික මතනේ.කෙටියෙන්ම කිවුවොත් නොදන්නා හංසයෙකුට වඩා දන්න යකා හොඳා කියලා හිතුනා.කවුරු දින්නත් එක දෙයයි මම ඉල්ලන්නේ.......අපට ජීවත් වෙන මේ සුන්දර ලංකාව පාවා දෙන්න එපා.මොකද එක වේලක් හරි කාලා ඉන්න රටක් තියෙන්න ඕනානේ.

මහින්ද ද? සරත් ද? ජන සමාජය ද? හෝටල් දේශපාලනය ද? (ධම්ම දිසානායක)

2010-01-12T09:34:00.003+05:30

ඉස්‌සර දවසක පිටකොටුවේ එක්‌තරා හෝටලයකට දවල් කෑම සඳහා ගිය අපි මුහුණ දුන්න කදිම අත්දැකීමක්‌ තියෙනවා. රිය අනතුරකට ලක්‌වුණ යාළුවෙක්‌ බලන්න කුරුණෑගල ඉස්‌පිරිතාලෙට ගිහින් කොළඹ ආපු අපි සවස තුනට විතර දවල් කෑම සඳහා ඉතාම ලස්‌සන පෙනුමක්‌ සහිත නාම පුවරුවක්‌ සහිත හෝටලයකට ගොඩවැදුනා. බැලූ බැලමට ඇතුළත් පිරිසිදුයි. අපි වගේ පහළ මැද පංතික ජනයා හෝටල් හොයනකොට ඒකෙන් කියෑවෙන්නෙ හෝටල් කඩ මිසක්‌ තරුපහේ හෝටල් නොවේ. ඉතින් මේ ගොඩවැදුන හෝටල් කඩය පිට පෙනුම හොඳ, මේස පිරිසිදු, වේටර්ලා අවුලක්‌ නැති හෝටල් කඩයක්‌. අපේ යාළුවෝ ටික කෑම ඇනවුම් කරල වේටර් කෙනෙක්‌ගෙන් ඇහුවා "මල්ලී මේ අත්වල තියෙන බස්‌ කහට හෝදගන්න තැනක්‌ නැත්ද? කියල. පිටිපස්‌සට යන්න එතැන සබනුත් තියෙනවා කියපු වේටර්ගේ මඟ පෙන්වීම මත අපි ගියා අත්වල බස්‌ කහට හෝදගන්න. ඇත්ත, සබන් සහිත පයිප්පයක්‌ බේසමක්‌ තිබුණා. ඒ ළඟම පිරිසිදු නොකරපු වැසිකිලිය. ඒ අද්දර ගොඩ නගපු අල, ළුණු සහ එළවළු. වහල නැති බත් සහ වෑංජන කල්දේරම් ඒ අසලම. මැස්‌සො නිදහසේ තම තමන්ගේ කටයුතුවල. ළඟ තිබුණු තවත් පයිප්පයකින් කෙනෙක්‌ නානවා. ඒකෙන් විසිවෙන සබන් වතුර කිසිම බාධාවකින් තොරව තමන් කැමති භාජනයකට වැටෙනවා. කුස්‌සියේ කීප දෙනෙක්‌ කිසිදු අමුත්තක්‌ නැතිව පුරුදු දෛනික වැඩකටයුතුවල.

ඉක්‌මනට අත හෝදගෙන ඉදිරිපස මේසවල වාඩිවුණ මම ඇතුළු කීප දෙනෙක්‌ කෑම ගැනීම ප්‍රතිත්ෂේප කරලා බීම බෝතලයක්‌ විතරක්‌ බීමට තීරණය කළා. අනෙක්‌ යාළුවෝ අපිට විහිලු කළා. කොළඹ හෝටල් කඩ ඔහොම තමයි, ඔය විධියට නම් කොළඹ ජීවත් වෙන්න බෑ කියන අර්ථය ඒ විහිලු වලින් කියවුණා. අපිට සමච්චල් කරපු අපේ යාළුවෝ වීරයෝ වගේ දවල් ආහාරය කෑවා නෙවේ අතපත ගෑවා. අප්පිරියාවත්, කෑමවල කිසිම රහක්‌ නැතිකමත් නිසා කන්නට අමාරු බව කියපු ඔවුන් කේන්තියෙන් බිල ගෙවා දැම්මා. මේ හෝටල් කඩ කතාව කිව්වෙ එක්‌තරා දේශපාලන පෙළගැස්‌මක්‌ මේ කතාව සමග තදින්ම ගැලපෙන නිසා. මොකක්‌ද මේ පෙළගැස්‌ම. ජනාධිපතිවරණයේදී මහින්ද පරාජය කොට විධායක ජනාධිපති ක්‍රමය අහෝසිකොට, පවුල් බලය නැති කොට, දූෂණය හා ඒකාධිපති වියරුව අහෝසි කොට යහ පාලනයක්‌ ඇති කිරීම සඳහා ගොඩ නඟාගෙන ඇති විපක්‍ෂයේ සන්ධානය තමයි මේ පෙළගැස්‌ම.

එකිනෙකට පරස්‌පර ආර්ථික-දේශපාලන-සමාජ-සංස්‌කෘතික අරමුණු තියෙන පුද්ගලයෙක්‌, දේශපාලන පක්‍ෂයක්‌ සහ දේශපාලන කල්ලි කණ්‌ඩායම් කීපයක්‌ ඒකාබද්ධව මේ සන්ධානය ගොඩනඟාගෙන තිබීම විශේෂයි. දේශපාලන විද්‍යාත්මක දැනුමට අනුව නම් විධිමත් ක්‍රමානුකූල වගේම දේශපාලන පක්‍ෂයක ලක්‍ෂණ අඩංගු එකකට තියෙන්නේ ජනතා විමුක්‌ති පෙරමුණ විතරයි. මේ සන්ධානයේ අනික්‌ ඒවා නීත්‍යානුකූලව දේශපාලන පක්‍ෂ කියන ලේබලයට අයිති වුණත් ප්‍රායෝගිකව වගේම දේශපාලන පක්‍ෂ මූලධර්ම වලට අනුව නම් ඒවා පක්‍ෂ නෙවේ, කල්ලි කණ්‌ඩායම්.

පුද්ගලයෙක්‌ කිව්වෙ සරත් ෆොන්සේකාට. ඔහු ලංකාවේ දේශපාලන ව්‍යාපාරයක හෝ පක්‍ෂයක හෝ සමාජ ව්‍යාපෘතියක හෝ ක්‍රියාකාරී ඉතිහාසයකට සම්බන්ධකමක්‌ තිබෙන කෙනෙක්‌ නෙවේ. නමුත් ලංකාවේ සිවිල් යුද්ධයට අදාළව ක්‍රියාකාරී ඉතිහාසයක්‌ තියෙන කෙනෙක්‌. ඒ වගේම රාජකාරිය කෙරෙහි කැපවුණ යුද නායකයෙක්‌. පාරිශුද්ධතාව ගැන කතාකිරීම නොවැදගත් වෙන්නේ එහෙම පාරිශුද්ධතාවක්‌ අපේ ලෝකෙ කෙහේවත් නැති නිසා.

කල්ලි කණ්‌ඩායම් කිව්වෙ රනිල්, මංගල, ගනේෂන්, හකීම් නායකත්වය දෙන දේශපාලන කණ්‌ඩායම් වලට. ඔවුන් නායකත්වය දෙන ඒ කණ්‌ඩායම් දේශපාලන පක්‍ෂ වෙන්නෙ නැත්තෙ ශාස්‌ත්‍රීය දේශපාලන විද්‍යාවට අනුව සාමාන්‍ය තේරුම් ගැනීමට දැනුමට අනුව නම් ඒවාත් දේශපාලන පක්‍ෂ තමයි.

දැන් මේ පෙළගැස්‌මට හෝටල් කඩ උදාහරණය ගලපමු. විපක්‍ෂ සන්ධානය හෝටල් කඩයක්‌ නම්, ඒකෙ පියකරු සිත් ඇදගන්නා සුළු බෝඩ් එක තමයි සරත් ෆොන්සේකා. දකින කෙනෙකුට ඒ හෝටල් කඩෙන් කන්න හිතෙනවා. හැබැයි මේ බෝඩ් එක ඇන්දෙ මහින්ද රාජපක්‍ෂගෙ ආණ්‌ඩුවෙ කීප දෙනෙක්‌. ජනතා විමුක්‌ති පෙරමුණ තමයි රාමුව ගැහුවෙ. එක්‌තරා අද්භූත රාත්‍රියකදී මේ බෝඩ් එක අතුරුදන් වුණා. හොරු කවුද කියන එක හෙළිවුණේ ඒ බෝඩ් එක විපක්‍ෂ සන්ධාන හෝටලයේ මුදුනෙ හයිකරල තියෙනවා දැක්‌කම. බෝඩ් එක ලස්‌සනයි. ඇන්දෙ රාමුව ගැහුවෙ රාජපක්‍ෂලා සහ ජවිපෙ වුණාට දැන් ඒක කූටෝපායකින් ඩැහැගෙන ඉන්නෙ රනිල්ලා.

දැන් මේ හෝටලයේ ඉතාම පිරිසිදු වේටර්ල ඉන්නවා. ඔවුන් හරිම ප්‍රියමනාපයි. ජනතාවට බොහෝම ආදරයෙන් කථා කරනවා. සලකනවා. විපක්‍ෂ සන්ධාන හෝටල් කඩේ මේ වේටර්වරුන්ගේ භූමිකාව රඟපාන්නෙ මා මිත්‍ර දේශපාලන ව්‍යාපාරයක්‌ වන ජනතා විමුක්‌ති පෙරමුණේ සහෝදරවරු. ඔවුන් ගැන මට කවදත් තිබුණෙ ගරුත්වයක්‌. මේ දවස්‌වල නම් තියෙන්නෙ අනුකම්පාවක්‌.

මේ විපක්‍ෂ සන්ධාන හෝටල් කඩයේ තීරණාත්මක තැන් දෙකක්‌ තියෙනවා. මුදල් අයකැමි එහෙම නැත්නම් මුදලාලි නැත්නම් කඩ හිමියා එක තැනක්‌. අනෙක්‌ තීරණාත්මක තැන තමයි කුස්‌සිය. මේ හෝටලයේ මුදලාලි වෙලා ඉන්නෙ රනිල් කණ්‌ඩායම. සියලු දෙනාගේ දහඩිය මහන්සියේ ලාභය යන්නෙ මේ මුදලාලිගෙ මඩිස්‌සලයට. එහෙමත් නැත්නම් ගෝනියට. වැඩ කරන අයට ලැබෙන්නෙ ඉතා අඩු පඩියක්‌.

එතකොට කුස්‌සිය කවුද? කුස්‌සියේ කටයුතු භාරව ඉන්නෙ මංගල, හකීම්, ගනේෂන්, සහෝදරයො ටික. කෑමවල පිරිසිදුකම හෝ අපිරිසිදුකම තීරණය වෙන්නෙ කුස්‌සියේ වැඩ මත කුස්‌සියේ ඉන්න අයගේ අරමුණු මත. ඒ වගේම මුදලාලි විසින් කුස්‌සියේ අයට දෙන උපදෙස්‌ සහ විධිවිධාන මත. ප්‍රශ්නය තමයි කුස්‌සිය හෝ ආහාර වල තත්ත්වය ගුණාත්මකව වර්ධනය කරන්න මුදලාලිටවත්, කුස්‌සියේ අයටවත් උනන්දුවක්‌ නැති එක. එහෙමනම් මේ හෝටල් කඩයෙන් කෑම ගන්න එන අයට අත්වෙන ඉරණම කුමක්‌ද? වමනය සහ පාචනය ද? රක්‌තහීනතාව ද? මන්ද පෝෂණය ද?

නමුත් බෝඩ් එක ලස්‌සන නිසාත් ඊට යටින් ලියා ඇති විධායක ජනාධිපති ක්‍රමය අහෝසි කිරීම, ඒකාධිපතිවාදය පවුල්වාදය විනාශ කිරීම, දූෂණය නැති කිරීම සහ යහපාලනය ගොඩනැඟීම කියන කෑම වට්‌ටෝරුවලට ආකර්ශනය වන නිසාත් කෑම ගන්න එන අයට කුස්‌සිය ඇතුලෙ ඇත්තටම වෙන්නෙ මොකක්‌ද? කෑමවල තත්ත්වය කොහොමද? කියන එක තේරෙන්නෙ පස්‌සෙ. හැබැයි එතකොට වෙන්න ඕනි හරිය වෙලා ඉවරයි. යන්න ඕනි වියදම ගිහින් ඉවරයි.

හෝටල් කඩයට ගොඩවැදුන කෙනාට විධායක ජනාධිපති ක්‍රමය අහෝසි කිරීම කියන කෑම ලබාගන්න අවුරුදු ගාණක්‌ බලා ඉන්න වෙනවා. මෙකද ජනාධිපති කෙනෙකුට ව්‍යවස්‌ථාව සංශෝධනය කරන්න බැරි නීති ආණ්‌ඩුක්‍රම ව්‍යාවස්‌ථාවෙම තියෙන නිසා. ඒකට පාර්ලිමේන්තුවේ තුනෙන් දෙකක බහුතර බලයක්‌ අවශ්‍යයි. අපි හිතමු ෆොන්සේකා දිනුවා කියල. එහෙම වුණොත් ඔහුට විධායක ජනාධිපති ක්‍රමය අහෝසි කරන්න ඕනි වුණොත් පාර්ලිමේන්තු මහ මැතිවරණයකට යන්න වෙනවා. ඒත් පවතින සමානුපාතික මැතිවරණ ක්‍රමය නිසා කිසිම සන්ධානයකට තුනෙන් දෙකක බලයක්‌ ලබාගන්න බැහැ. එහෙම නම් මැතිවරණයෙන් පස්‌සෙ තුනෙන් දෙක හදාගන්න අනික්‌ පැත්තෙ අය කඩාගන්න වෙනවා. ඒ අය නිකං එන්නෙ නෑ. ප්‍රබල ඇමති ධුර දෙන්න වෙනවා. 150 ක්‌ වෙනකම් කට්‌ටිය ගන්න ඕනි. ඒ වගේම තමන්ගෙ පැත්තෙ ඉන්න අයව අනික්‌ පැත්තට පනින්න නොදී තියාගන්නත් ඕනි. එතකොට ඔවුන්ව සනසන්නත් ප්‍රබල ඇමැතිධුර දෙන්න වෙනවා. ඒ කියන්නෙ ඇමැති ධුරම 150 ක්‌. හිතන්න කරන්න යන වැඩේ නිසා සිද්ධ වෙන්න යන අවුල. දේශපාලන වේදිකාවල කියන තරම් ලේසි නෑ වැඩ කරන්න ගියාම.

රටක ආණ්‌ඩුක්‍රම ව්‍යවස්‌ථා සම්පාදනයකදී සංශෝධනයකදී අවශ්‍ය වෙන්නෙ දේශපාලන සමාජ සම්මුති මිසක්‌ එදිරිවාදිකම් නොවේ. අපේ රටේ මේ දේශපාලන සමාජ සම්මුති හදාගන්න බැරිවෙලා තියෙන්නෙ පුද්ගල සහ කල්ලි කණ්‌ඩායම් වල බල තණ්‌හාව නිසා. එහෙම පසුබිමක ජවිපෙ භූමිකාව විය යුත්තේ දේශපාලන සමාජ බලවේගයක්‌ හැදීම මිස දේශපාලන අනාථයන්ට අම්බලම් හදන එක නොවෙයි. අම්බලමට එන අය අම්බලම් පාලුවෝ වෙලා අම්බලම හදපු අයටම විරුද්ධව වැඩකරන එක ජවිපෙ තරම් කවුරුවත්ම අත්විඳ නැති දේශපාලන අත්දැකීමක්‌.

විපක්‍ෂයේ හෝටල් කඩ දේශපාලනයට නාමපුවරු ආවරණය සහ වේටර්වරුන්ගේ සහය නොලැබුණොත් ඔවුන්ට අත්වන ඉරණම විපක්‍ෂ කල්ලි කණ්‌ඩායම් දැන සිටියත් නාමපුවරු හා වේටර්වරු ඒ ගැන නොදන්න පාටයි. සෙස්‌ස පස්‌සට. සුබ අලුත් අවුරුද්දක්.

උපුටා ගැනීම ඉරිදා දිවයින.

................ ලැපයි මමයි ................

2010-01-10T17:55:00.005+05:30

මගේ ලැපට අවුරුද්දයි මාස තුනයි.අද ඒ ගැන ලියන්න හිතුනා.මට මුලින්ම ලැප ලැබෙද්දි මම computer පාවිච්චි කරලා තිබ්බත් ඒ ගැන හොඳ දැනුමක් මට තිබ්බෙ නැහැ.මේක ලැබුනට පස්සේ තමා හැමදේම ඉගෙනගත්තේ.මුලින්ම ලැපේ විස්තර කියන්නම්කෝ,

Fujitsu FMV BIBLO NF 75 Y (Made in japan)

Intel core 2 duo 2.0 GHz

120GB HDD

2GB RAM

DVD RW

15.4"

2.8Kg

Vista Home Premium

VGA එක තමා මදි,IGI වගේ ගේම් පුලුවන්,අළුත් ගේම් නම් බැහැ

අද වෙනකොට මම දවස වැඩුපුරම ගෙවන්නේ ලැප් එකත් එක්ක.මේක මට ලැබුනේ ජපානයෙන්.ජපානයෙන් පිට මේ ලැප් එක විකුනණ්න නැහැ.කැඩුනොත් සොරිම තමා.මුලින් එද්දි තිබ්බෙ මයික්‍රොසොෆ්ට් එකෙන් ෆුජිට්සු එක සඳහාම නිපදවු විස්ටා සංස්කරණයක් තිබ්බේ.කඩ්ඩෙන් තිබ්බෙ වචන දෙක තුනයි,අනිත් ඔක්කොම ජපන්.මෙලො දෙයක් පැහැදිලි නැහැ.මම කලිනුත් කිවුවනේ මේක ලැබෙද්දි මට දැනුමක් නැහැ කියලා......එතකොට ඔයාලම හිතාගන්නකෝ ජපන් වලින් මම වැඩ කරපු විදිය.දවස් තුනකින් හොයගත්තා විස්ටා දාන විදිය,(ඒකට කසුන් අයියාත් උදවු කලා).මේකට XP දාන්න බැහැ.හේතුවනම් දන්නේ නැහැ.අද වෙනකන් කිසිම ලෙඩක් නැහැ.අවුරුද්දක් ගියාම මේ ලිපිය දාන්න හිටියේ,එත් අමතක වුනා,මේකෙන් ගත්ත වැඩත් එක්ක තාම තියෙන එකත් පුදුමයි.කොල්ලෙක්ට ප්‍රථම ප්‍රේමය අමතක කරන්න බැහැ වගේ,මටත් මේක අමතක කරන්න අමාරු වේවි.මොකද මේක දැන් මගේ ජීවිතේම කොටසක් වෙලා.

Lockerz වගේ වෙබ් අඩවියක්

2010-01-09T19:49:00.005+05:30

මම මේ වෙබ් site එක ගැන වැඩිය දන්නේ නැහැ,එත් මේකන් තෑගි දෙනවා,ඔයාලත් ගිහින් බලන්න,කට්ටිය මේ ගැන දන්න දේවල් කියන්නකෝ.

මෙතනින් පිවිසෙන්න

LockerZ Invitation ඕනා අය E mail ලිපිනය ලබා දෙන්න

පබා හා අබා

2010-01-08T16:11:00.002+05:30

මේ වීඩියෝ දෙක දැක්කාම මොනවද හිතෙන්නේ......................(හැමෝම කඩේ යනවා,ඒත් ඔවුන් මිනිසුන්ට ආමන්ත්‍රණය කරන විදියේ ලොකු වෙනසක් තියෙනවා )

ජීවිතය අලුතින් පටන්ගන්න.....මෙන්න බේත

2010-01-04T22:48:00.008+05:30

!!!!!!!!!!................සුබ අලුත් අවුරුද්දක් වේවා හැමෝටම................!!!!!!!!!!

මම අද ලියන්න යන්නේ මම ආසම හින්දි බයිස්කෝප් එකක් ගැන.මේක ඇවිල්ලනම් ටිකක් කල්.හරියටම කියනවනම් 2009 ඔක්තෝම්බර් 2.මම බලලා මාසයක් විතර වෙනවා.මම බලපු ලස්සන ෆිල්ම් එකක්.ඒ වගේම හිතට අමුතුම හැඟිමක් දැනුනු , වෙනත් ඉන්දියනු ෆිල්ම් වලින් වෙනස් වු, ආරම්භයේ සිට සුන්දරව ගලාගෙන යන බයිස්කෝප් එකක්.බලලානැත්තම් අනිවා බලන්න.රන්භීර් කපූර්ගේ රංගනය මුළු ෆිල්ම් එක පුරාම අපූර්වලෙස ගලාගෙන යනවා.ඔයාලගේ රසාස්වාදයට බධා කරන්න මම කැමති නැති නිසා මම ෆිල්ම් එක ගැන මොනවත් කියන්නේ නැහැ.ඔයාලම බලලා තීරනය කරන්න.

මෙතනින් බාගන්න (1.4GB) (713MB)

මේකත් බලන්නකො...................

ජයවේවා .............................!!!!!!!!!!

සැබෑ වීරයා කවුරුන්ද ????????????????

2009-12-11T13:24:00.000+05:30

ලංකාවේ වර්තමානයේ වැඩියෙන්ම කතා කරන මාතෘකාව වී ඇත්තේ යුධ ජයග්‍රහණයේ සැබෑ හිමිකරුවන් කවුරුන්ද යන්නය.අප දශක තුනකට ආසන්න යුද්ධයකට මුහුණදුන්නේය,නමුත් කුමන නායකත්වයකට වුවද මෙය විසඳාගත නොහැකි විය.වසර තුනකට පෙර නැගෙනහිරින් ආරම්භ වු මානුශීය මෙහෙයුම 2009 මැයි මස නිමාවටපත්වුවේ LTTE නායකත්වයද සහමුලින්ම විනාශ කිරීමෙනි.මෙහිදි මෙම ජයක්ග්‍රහණයට යුධ,ගුවන්,නාවුක,පොලිසිය(විශේෂ කාර්ය බළකාය,ත්‍රස්ථ විමර්ශණ අංශ ),සිවිල් ආරක්ෂක බළකාය,බුද්ධි අංශ,සිවිල් ආරක්ෂක කමිටු,මහජනයා මෙන්ම මෙයට දේශපාලන නායකත්වය යන සියුලු දෙනාටම හිමි දෙයකි.කවුරුන් හෝ එය තමා කරපු දෙයක් ලෙස කීම කුහක කමකී.පාළාත් සභා මැතිවරණ වලදි ආණ්ඩුව විසින් යුධ ජයක්ග්‍රහණය විකුනා ඡන්දය ලබා ගත්තේය්,අද වනවිට සරත් ෆොන්සේකා මහතා විසින් ඒ දේම සිදු කරමින් පවති.සරත් ෆොන්සේකා මහතා ජනාධිපතිවරණයට තරඟ කිරීමට විරුද්ධව කතා කිරීමට අපට අයිතියක් නැත.එය එතුමාගේ මානව හිමිකමකි,නමුත් එතුමා සමඟ අත්වැල් බැඳගෙන ඇත්තේ එදා එතුමාට හතුරුකම් කළ පිරිස සමඟය(ජවිපෙ අදාළ නැත.ජවිපෙ විසින් මෙම යුද්ධය කිරීම සඳහා මහින්ද රාජපක්ෂ මහතාව පෙළඹවීමට විශාල කාර්යභාරයක් සිදු කළේය,නමුත් එහි ප්‍රතිඵල ලැබෙන විට ඔවුන් මහින්ද සමඟ සිටියේ නැත.ප්‍රතිඵල බුක්තිවින්දෙ වෙනත් පිරිස්ය.අද වනවිට ජවිපෙ නොයායුතු මාර්ගයක,ගමන් කරමින් පවති.එයට වගකිව යුත්තේ එහි ඉහල නායකත්වය වේ.)සරත් ෆොන්සේකා මහතාට අනුව මෙතරම් කල් යුද්ධය දිනාගත නොහකිවුනේ හමුදාවන්ගේ පැවති දුර්වලතා නිසාය,ආණ්ඩුවට අනුව මෙතරම් කල් යුද්ධය දිනාගත නොහකිවුනේ යුද්ධයට අවශ්‍ය දේශපාලන නායකත්වය නොලැබු නිසාය.මේ දෙකෙන් කුමක් නිවැරදි ද,මේ දෙකම ඔවුන් පවසන්නේ තමන්ට වාසිවන අයුරෙන්ය.මට අනුවනම් මෙයට හේතුව දෙවෙනි කාරණය වේ.නමුත් එමගින් කිසිවිටකත් මෙය ආණ්ඩුවේ ජයක්ග්‍රහනයක් කිරීමට මම උත්සහා නොකරමි.

1987 ඇරඹු වඩමාරච්චි මෙහෙයුමේදි LTTE නායකත්වය කොටුවුවද, එවකට පැවති ආණ්ඩුව විදෙශයන්ගේ පැවති බලපෑම මත එය නවතා දැමුවේය,හමුදා සියලු මෙහෙයුම් සිදුවුයේ දේශපාලන නායකත්වයට අවශ්‍ය ආකාරයට වේ,ඉදිරියට යන්නට මෙන්ම පසුබසින්න අණදෙන්නේද දේශපාලන නායකත්වය වේ.සරත් ෆොන්සේකා මහතා කුමන දේ කිවුවත් හමුදාවට අගෞරව නොකළයුතුය.ආණ්ඩුවද හමුදාව ඉදිරියට දමා ඡන්ද ඉල්ලීම නොකළයුතුය.

එදා සරත් ෆොන්සේකාට අගෞරව කල පිරිස් ඔහුගේ ගුණ ගායනා කරයි,ඔහුව අගයපු පිරිස ඔහුගේ වංචා දුෂන හෙළිකරයි. ෆොන්සේකා ආණ්ඩුව කිසිවක් නොකළබව පවසන විට මේ යුද්ධයට නායකත්ය දුන්නේ එජාපය ද කියා අපට සිතේ.සියලු දෙනා මේ නාටකය දෙස අවදානයෙන් බලාසිටි(LTTE අය සතුටින් බලාසිටි ).ලබන 26 වෙනිදට ජනතාවගේ සැබෑ වීරයා ජනාධිපති අසුනේ සිටිනු ඇත.

ෆොන්සේකා ද , මහින්ද ද ??????????????????????????????

අපි මොකද කරන්නේ ??????

2009-11-24T01:28:00.000+05:30

ගොඩ කලෙකට පස්සෙ ලියන්නෙ.පොඩි වැඩ ටිකකට අහුවෙලා හිටියේ.වැඩ ඉවර උන නිසා බ්ලොග් එකේ ලියන්න හිතුනා.ඒ අස්සෙ මගේ ජංගමයත් කැඩුනනේ.අතේ තිබ්බේ 4000 ක් විතරයි.අලුත් ජංගමයක් ගන්න කොටුවේ පොඩි රවුමක් දැම්මා.4000 අඩුවෙන් තිබ්බෙ ෆොන් 2,3 ක් විතරයි.මම ගත්තේ nokia 1208 ෆොන් එක.5000 ඉදන් චයිනීස් ෆොන් තිබ්බ.එවයේ තියෙන වැඩ දැක්කම පිස්සු හැදෙනව.හැබැයි ඒවා බිම වටුනොත් මොක වේවිද කියල හිතාගන්නත් බැහැ.6000 TV ෆොන්,10000 Apple I phone.මොක තිබ්බත් Nokia,Sony Ericsson වලට ගහන්න අමරුයි.පට්ට ගහන්න පුළුවන් ෆොන් තියෙන්නෙ ඒවා විතරයි.

තව දෙයක් මම කඩවල් 10 විතර ගියා,එකකවත් සිංහල කෙනෙක් දැක්කෙ නැහැ.සිංහල කෙනෙක් හිටියොත් ඉන්නෙ පේමට් එකේ.ලංකාව මුස්ලිම් රටක් ද කියලත් හිතෙනවා කොළඹ කඩ දැක්කාම.මේකට හෙතුව මොකද්ද කියල ඔයාලා දන්නවද,මම ඒ ගැන ගෙදර ඇවිත් හිතුවා,ඒත් උත්තරයක් හොයගන්න අමාරුයි.Unity plaza එකට ගියාමත් සිංහල පුලුටක්වත් හොයගන්න අමාරුයි.ලංකාවේ මුස්ලිම් වෙළද ඒකාධිකාරයක් ඇතිවෙමින් යනවාවගේ.මුස්ලිම් අයට මොනවත් කියලා වැඩක් නෑනේ,අපි රස්සා ඉල්ල ඉල්ල කෑගැහුවට වැඩකුත් නැහැ.හොඳම දේ අපිට පුළුපුළුවන් විදියට හම්බ කරන්න පටන් ගැනීම.

ලංකාවේ හා විදේශ වල තියෙන විවිධ රැකියා අවස්ථා ගැන කට්ටිය දන්නා විදියට තම තමන්ගේ බ්ලොග් වල දාන්න පුළුවන්නම් ලොකු දෙයක්.මේක මම කරන යෝජනාවක්.විවිද පැතිවල ඉන්න කට්ටිය සින්ඩියේ ඉන්නවනේ,තමන් දන්නා පැති ගැන පුළුපුළුවන් විදියට බ්ලොග් වල පළකරන්න. ජයවේවා !!

පාතාලය .......... හා BAABARR

2009-10-05T15:48:00.000+05:30

පාතාල ලෝකය ඇසූ පමණින් ඕනෑම කෙනෙකු බියට පත්වන්නේ අප රටට පිළිලයක් ලෙස තිබුනු, තියෙන(වර්තමානේ යම් පසුබෑමක් ඇත ) පාතාලය ගැන ඉතා හොඳ අත්දැකිම් ඇති ජාතියක් නිසාය.මේ වන විට පාතාලය යම් අරාජික තත්වයක ඇත.පාතාලයේ කිරුළ (ගෝඩ් ෆාදර්) ලබා ගැනීමේ තරඟයක සිටි ෆාජි හා ආනමාළු ඉමිතියාස් සඳහටම මෙලොවින් චුත වී ඇත.ඒ STF එකට පින්සිඳු වන්නටය.නමුත් අරාජික පාතාලයේ රජු වීමට සිහින දකින අයද නැතුවාම නොවේ.පාතාලයේ දශක කිහිපයක් ගෝඩ් ෆාදර් කිරුළ ඉසිලුවේ නාවල නිහල්ය.අන්තිමට ඔහු ඇඩ්‍රස් නැතිව අතුරුදහන් විය.ඔහු ගැන තොරතුරක්,අඩුමගානේ ඔහුගේ මළ සිරුරවත් හමු නොවිනි.

කලක් අප මහා රජු යටතේ වම්බොට්ට නැමැති පුරොහිතයා සිටියේය.ටික කලකට පෙර ඔහු ද අවි ගත්තො අවියෙන්ම නැසෙති කියන කියමන සනාථ කරමින් වෙඩි වරුසාවක් මැද මෙලොවින් ගියේය.තවද සූරියවැව හොල්ලාගෙන සිටි රත්නායක සහොදරයන්ගේ බාලම සොයුරා වන රාහුල් රත්නායක මැලේසියවේදී ආරක්ෂ අංශ භාරයට ගෙන ඇත.ඒ LTTE හා එක්වි ජනපති ඝාතනයට උත්සාහ කිරීම යන චෝදනා මතය.

මේ සියලුම දෙයින් පැහැදිලි වන්නෙ මෙවැන්නන්ට කිසිදිනක ගැළවීමක් නොමැති බවයි.එ වගේම සැමදා සිදුවන්නෙ තිබු මුහුණක් වෙනුවට නව මුහුණක් ආදේශ වීමය.මා මෙතරම් දේවල් කිවුවේ මා ලඟදි නරඹපු නවතම බොලිවුඩ් චිත්‍රපටය වන Baabarr නිසාය.මා අන්තිමට සඳහන් කර ඇති කාරණය මේ චිත්‍රපටය නැරඹීමෙන් ඔබට පසක් වනු ඇත.

මෙතැනින් ලබාගන්න

දෙබිඩි ජීවිතයකට ආසද.... එහෙනම් මෙන්න

2009-09-29T22:31:00.000+05:30

මේ ලිපිය ලියන්න හිතුවේ මම දැකපු අලුත් සමාජ ජාල වෙබ් අඩවියක් ගැන කියන්න.සමහරුනම් මේක දැකල ඇති.මේකෙ නම Second life.කෙටියෙන් කියනවනම් මේක ත්‍රිමාන ලෝකයක අපි ජීවත් වෙනවා වගේ,එනම් මෙම සමාජ ජාල අඩවිය තුල අප කිසියම් චරිතයක් ගොඩනගා ඔහුව හෝ ඇයව එම ලෝකය තුල හැසරවිය යුතුය.

මුල සිට මෙසේය.......…..

මුලින්ම එහි අප register විය යුතුය.ඉන් පසු ඔවුන් ලබා දෙන application එක download කර එය අපගේ කම්පියුටරයේ ස්ථාපනය කල යුතුය.පසුව එමඟින් මේ අඩවියට සම්බන්ඳ විය යුතුය.

මෙය ලංකාව තුල එතරම් ජනප්‍රිය නැත.මෙයට හේතු කීපයක් ඇත. මේ සඳහා වේගවත් internet සම්බන්ඳතාවක් අවශ්‍ය. හොඳ VGA හා වැඩි ධාරිතවෙන් යුතු RAM අවශ්‍ය. තවද මේ ගැන ලංකාවේ වැඩි දෙනෙක් නොදන්නා එකය.

මෙය වෙනත් රටවල තරුණ කොටස් අතර ඉතා ජනප්‍රිය අඩවියකි.මෙමඟින් අලුත් දැන්වීම් කරනයක් බිහිවි තිබේ.එනම් ලෝකයේ ඉතා ජනප්‍රිය ආයතන මෙම ත්‍රිමාන ලෝකය තුල තම ප්‍රදර්ශනාගාර පවත්වාගෙන යන අතර , සැබෑ ලෝකයේ මෙන් දැන්වීම් පුවරුද ඇත. මෙහි ඇති විශේෂත්ව නම්.. මෙහි ඇති ශරිරය අපට කැමති පරිදි සකස් කරගත හැක.පසුව එම චරිත්ය එම ලෝකය තුල පාලනය කල යුතුය.Headset එකක් මගින් අන් අයත් සමඟ කතා කල හැක.චැට් කල හැක.විශේෂිත කාරණය නම් අප සැබෑ ලොව තුල හැසිරෙන චරිතය නොව වෙනත් විදියට මෙහි ජීවත් විය හැක.සැබවිම මෙය අපගේ second life එක වේ.මෙයට බොහෝ දෙනා ඇබ්බැහි වන්නෙ මේ නිසාය. තවද මෙහි නරක පැත්තකුත් තිබේ.එනම් මෙහි ලිංගික හැසිරීමට පුලුවන් වීමයි.මෙය කුඩා ළමුන් අනියමින් අපයෝජනයට ලක් විය හැක.මෙය ලංකාව තුල ජනප්‍රිය උවහොත් රජය විසින් තහනම්ද කල හැක.

මෙමඟින් කොටිපතියෙකු වු අයද සිටි.එක් අයෙකු මේ අඩවිය තුල තැරැවුකාරයෙකු ලෙස ක්‍රියා කර මුදල් සොය ඇත.ඔහු තම බිරිඳ හා එක්වි ගනුදෙනුකාරයන් වෙත කාන්තාවන් සපයා ඇත. මේ අඩවියේ හොඳ මෙන්ම නරක ද එකසේ ඇත.බුද්ධිමත්ව භාවිතා කිරීම අපගේ යුතුකමකි. අවාසනාවට මට මෙහි රඟන්නට බැරිය.ඒ මගෙ ලැපේ තියෙන VGA එකට පින්සිඳු වන්නට හා අපගේ වේගවත් internet නිසාය.

සැ.යු.-මෙයට ඉතා ඉක්මණින් ඇබ්බැහි වන අතර,එය හඳුනා නොගත් ඖෂධ නොමැති රෝගයකි.

මුල්ම ලිපිය

2009-09-19T23:04:00.000+05:30

ආයුබෝවේවා !!!!!!! හැමෝටම........

මම මහනුවරට 36km දුරින් තියෙන සුන්දර ගම්මානයක ඉපදුන කොල්ලෙක්. හරියටම පිහිටල තියෙන්නේ නුවරඑළිය දිස්ත්‍රික්ක මයිමේ.දේශගුනය නුවර හා නුවරඑළිය දෙකටම පොදුවුවක්. මේ ක්‍රොන්ක්‍රිට් වනාන්තරයට ඇවිත් ගොඩාක් කල්. මගේ ජිව්තේ අවුරුදු 20 න් 15 ගෙවිලා තියෙන්නේ මේ කර්කශ පොළවේ. කොළඹට මම වෛර කරන්නේ නැහැ.ඇත්තේ කලකීරිමක්.

ඒ සොඳුරු කොදොවුව කරා මා ඉගිලී ගියේ පාසල් නිවාඩුවට පමණි.නිවාඩුවේ අවසානයත් සමඟ මේ කර්කශ පොළවට නැවත මා ආ යුතුය.

කොළඹ මා හට කර්කශ වුයේ එහි පවත්නා දේශගුනයේ,කලබලකාරීබවේ හෝ වැරැද්දක් නිසා නොව මෙහි ජීවත්වන මිනිසුන්ගේ ඇති මානුශීය ගුණාංග වල ඇති පිරිහීම නිසාය.ඒ පිරිහීම මා තුලද ඇත.තමන් තුල තිබු ඒ හොඳ දේවල් අද වන විට පිරිහී ඇති බව බොහෝ දෙනා නොදන්නේය.

එයට මූලිකව බලපාන කරුනු කාරණා අතර තාක්ෂණය ප්‍රධාන ස්ථානයක් ගනී (මට සිතෙන අනුව).තාක්ෂණය හොඳය,එය අපට නැතුවම බැරිය.වැරැද්ද ඇත්තේ සියළු දේ තක්ෂණයෙන් කරන්නට යාමය.

අපි වේගයෙන් දියුණුවන සමාජයක ජීවත් වන්නෙමු.අප සැමදෙනාම රොබෝවරු වී ඇත.ආදරය,සෙනෙහස,මිත්‍රත්වය,දුක සැප ඇතුළු සියළු දේ බෙදාහදා ගන්නේ මුණු පොතෙන්,sms,email,chat වලින්ය(දොරමඬලාවට පැමිණි විද්වතෙක්ට අනුව මහා බිරිතානියේ මිනිසුන් වැඩියෙන්ම ඇබ්බැහි වන දේවල් 3 අතර මුණු පොතද ඇත ).

යම්කිසිදේක ආරම්භයක් ඇති සේම අවසානයක් ඇත.මෙහිද අවසානයක් ඇත.අවසානයේ කුමක් වේද....???????